Ətrafımızda elə akulalar var ki… - Lukaşenko

Tarix: 15 Mart 2024 22:16

2020-ci ildə Allah bizə kömək etdi (Belarusda dövlət çevrilişi cəhdi nəzərdə tutulur - red.). Əgər o vaxt ayaqda qalmasaydıq, burada müharibə olardı.

Sonxeber.net axar.az-a istinadən bildirir ki, bu sözləri Belarus Prezidenti Aleksandr Lukaşenko deyib.

"Onlar (müxaliflər) NATO qoşunlarını bura gətirərdilər. Rusiyanın reaksiyasını təsəvvür edin - Smolensk yaxınlığında NATO qoşunları. Bu, nüvə müharibəsi olardı. Biz xilas olduq. Allah kömək etdi.

Bu gün vəziyyət daha təhlükəlidir. Biz bunu görmədiyimiz üçün daha təhlükəlidir. Biz bunun yarısını görmürük. Mən isə daha çox məlumata malikəm. Buna görə də diqqətli olmaq lazımdır. Əlavə bir səhv addım və biz uğursuz olacağıq. Bizi heç kim xilas etməyəcək. Biz özümüzü müdafiə edə və xilas edə bilmərik. Ətrafda elə akulalar var ki, geriyə baxmağa belə vaxtımız çatmamış bizi yeyəcəklər.

Paxıl insanlar çoxdur. Ona görə də zaman bizi seçdi. Gəlin vətənimizi xilas etmək üçün dayanaq. Bir daha demək istəyirəm: siz məndən nə xəyanət, nə də sağa-sola hər hansı kursun dəyişməsini gözləmirsiniz. Sizinlə birlikdə bütün məsələlərə qərar verəcəyik. Bunu sizə söz verirəm", - deyə Aleksandr Lukaşenko vurğulayıb.