Azərbaycan futbolunda tarixi ay

Tarix: 1 Aprel 2024 11:40

Azərbaycanda futbol ayı start götürür.

Milli.Az İdman.Biz-ə istinadən bildirir ki, bu gün başlayan aprel zənginlik baxımından futbol tarixinə düşəcək.

Aprel ayının hər günündə rəsmi oyun keçiriləcək. Bu da ölkə futbolu tarixində mütləq rekorddur.

Aprelin 12 günündə Azərbaycan Premyer Liqasının, 13 günündə Əvəzedicilər liqasının matçı baş tutacaq. Kubok görüşlər isə üç fərqli gündə olacaq. I Liqa oyunları 9, II Liqa matçları 12 günü əhatə edəcək.

Ayın 13 günündə yalnız bir turnirin qarşılaşmaları baş tutacaq. 15 gündə iki yarışda oyunlar keçiriləcək.

Aprelin 3-də və 29-da üç fərqli turnirin görüşləri təşkil olunacaq.

Hər gün PFL-in bayrağı altında keçirilən ən azı bir matçın baş tutmasına martın 28-dən start verilib. Martın son 4 günündə olduğu kimi aprel də futbolsuz olmayacaq. Bununla da oyunların keçirilməsi seriyası 34 günə çatacaq.

Seriya mayın ilk günlərinə planlaşdırılan I liqa oyunları ilə uzana da bilər.

Aprel ayının təqvimi:
1. II Liqa, Əvəzedicilər
2. Azərbaycan Kuboku, II Liqa
3. Azərbaycan Kuboku, I Liqa, II Liqa
4. I Liqa
5. Azərbaycan Premyer Liqası, I Liqa
6. Azərbaycan Premyer Liqası, Əvəzedicilər
7. Azərbaycan Premyer Liqası, Əvəzedicilər
8. II Liqa, Əvəzedicilər
9. II Liqa
10. I Liqa
11. I Liqa
12. Azərbaycan Premyer Liqası
13. Azərbaycan Premyer Liqası, Əvəzedicilər
14. Azərbaycan Premyer Liqası, Əvəzedicilər
15. II Liqa, Əvəzedicilər
16. II Liqa
17. I Liqa
18. I Liqa, II Liqa
19. Azərbaycan Premyer Liqası
20. Azərbaycan Premyer Liqası, Əvəzedicilər
21. Azərbaycan Premyer Liqası, Əvəzedicilər
22. II Liqa, Əvəzedicilər
23. II Liqa
24. Azərbaycan Kuboku
25. I Liqa
26. I Liqa
27. Azərbaycan Premyer Liqası
28. Azərbaycan Premyer Liqası, Əvəzedicilər
29. Azərbaycan Premyer Liqası, II Liqa, Əvəzedicilər
30. II Liqa, Əvəzedicilər

Milli.Az