Aktual mövzular: Dollar alış-satışı, Məzənnə, Neftin qiyməti

Britaniya qanunsuz miqrantları Ermənistana göndərə bilər

Britaniya qanunsuz miqrantları Ermənistana göndərə bilər

Tarix: 15 Aprel 2024 10:42

Böyük Britaniya krallıqdan çıxarılan qanunsuz miqrantları qəbul edə biləcək dörd ölkə ilə danışıqlara başlayıb.

Milli.Az "qafqazinfo"ya istinadən xəbər verir ki, bu barədə məlumatı "The Times" qəzeti yayıb. 

Bildirilir ki, sözügedən məsələ ilə bağlı Ermənistan, Botsvana, Kot-d'İvuar və Kosta-Rika ilə dialoq aparılır. 

Məlumata görə, London əvvəllər Böyük Britaniya və Ruanda arasında əldə olunan razılaşmanın analoqu olan sazişi məhz bu dörd ölkə ilə bağlamaq niyyətindədir. 

Qəzet yazır ki, Britaniya artıq il yarımdır ki, krallıqdan çıxarılan qanunsuz miqrantları qəbul edə biləcək ölkələr axtarışındadır. Qeyd olunub ki, ölkənin Baş naziri Rişi Sunak hələ ötən ilin payızında müvafiq sazişləri bağlamağa ümid edirdi. Lakin Britaniya Ruandaya bir nəfər belə qanunsuz miqrant göndərə bilmədiyi üçün danışıqlar dalana dirənib. London və İrəvan arasında texniki danışıqların isə ötən ilin sentyabrında başladığı vurğulanıb.

Milli.Az


Etiketlər:  Britaniya qanunsuz miqrantları Ermənistana göndərə bilər


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ