Şahmat yarışının ikincisi Rauf Məmmədovun xanımı imiş - FOTOlar

Tarix: 1 May 2024 17:20

Azərbaycan şahmatçısı Ülviyyə Fətəliyevanın çempion olduğu Avropa çempionatında kişi qrossmeysterimiz Rauf Məmmədovun xanımı, Ukraynanı təmsil edən Natalia Buksa da medalçı olub. 

Sonxeber.net qafqazinfo-ya istinadən xəbər verir ki, şahmatçı qitə birinciliyində "gümüş" qazanıb. 

O, bununla bağlı feysbuk hesabında paylaşım edib. N.Buksa fəxri kürsüyə yüksəldiyi üçün xoşbəxt olduğunu bildirib: "Qadınlar arasında keçirilən Avropa çempionatında ikinci yeri tutdum. Çox qürurluyam ki, Ukrayna bayrağını Avropa çempionatında qaldırdım. Bu işdə mənə kömək edən hər kəsə təşəkkür edirəm. Həmçinin Ülviyyə Fətəliyeva və Lela Cavaxişvilini təbrik edirəm". 

Qeyd edək ki, Natalia Buksa 2018-ci ildə Rauf Məmmədovla ailə həyatı qurub.