Olimpiadanın problemləri ''Kubertenin ruhu'' fransız komediyasında

Tarix: 10 May 2024 11:48

İstedadlı rejissor Ceremi Senanın "Kubertenin ruhu" adlı yeni komediyası "Tik-Tok"un qalibiyyəti dövründə Olimpiya reallıqları haqqında cəsarətli bir özünüifadədir.

Sonxeber.net İdman.Biz-ə istinadən bildirir ki, Olimpiya Oyunlarına həsr olunmuş filmdən bəhs edir.

"Kubertenin ruhu" parodiyası Oyunların mümkün olan ən pis süjetini təqdim edir və burada Olimpizmin bütün məlum problemləri şişirdilir. Eyni zamanda, rejissorun gülüş obyektinə çevirdiyi situasiyalar havadan götürülmür ki, bu da insanı düşündürür...

27 yaşlı Pol Boske gözlənilmədən Fransa komandasının ev Olimpiadasında əsas ümidinə çevrilir. O, basketbolçu, voleybolçu və ya futbolçu deyil. Qaçmır, boksla məşğul olmur, hətta üzmür. Boske daha populyar idman növlərinin kölgəsində qalan atıcılıqla məşğuldur. Amma bu dəfə yox. Sena sahillərində təntənəli açılışdan 10 gün sonra ev sahiblərinin heç bir medalı yoxdur. Öz növündə finala yüksələn Boske lənəti dəf etmək üçün bəlkə də son şansa çevrilir. Amma nə lənət...

Məsələ burasındadır ki, fransalı idmançıları yarışlardan çox Olimpiya kəndindəki əyləncələr maraqlandırırdı. İdmançıları həqiqətən içki və məsuliyyətsiz əlaqələr maraqlandırırdı, nəticələr deyil. Bu, "Kubertenin ruhu" filminin süjetidir.

Sena reallıqda mümkün olmayan bir sıra anlaşılmazlıqlar və komik vəziyyətlər vasitəsilə Oyunların təşkilinə və müasir cəmiyyətə istehza edir. Film tamamilə absurd və cəfəngiyatdır. Burada nə qəhrəmanlığın təntənəsi var, nə də xoşbəxt sonluq ənənəsi. Film idmanın kinoda əksinə qeyri-ənənəvi yanaşma ilə seçilməyə çalışır və 2000-ci illərin parlaq komediyaları ruhunda satiraya söykənir. Kobud və siyasi yumor həddində olan zarafatlar adamı təəccübləndirir ki, film necə geniş prokata çıxıb, çünki filmdə zərrə qədər də tolerantlıq yoxdur.

Absurdluğun arxasında Olimpizm problemlərinə diqqəti cəlb etmək cəhdi dayanır.

Bununla belə, fransız kinosu həmişə Amerika Hollivudundan fərqlənib. Kinorejissorlar heç bir orijinallığa nail olmağı qarşılarına məqsəd qoymayıblar. İdman həvəskarları filmin hədəf auditoriyası deyil. Sena Olimpizmin çirkin tərəfini ifşa edir. Olimpiya Hərəkatının hara getdiyi və Fransa cəmiyyətinin bu miqyaslı hadisəni qarşılamağa nə dərəcədə hazır olduğu barədə düşünməyə çağırır.

Böyük ekranlarda çərşənbə günü təqdim olunan film daha əvvəl festivallarda debüt edib. Bu janrda film üçün gözlənilməz olan odur ki, kino tənqidçilərinin rəyləri əsasən müsbətdir. Ekspertlər rejissorun hekayəsini belə dəyərləndirirlər: "Film çox axmaq və sadəlövhdür, lakin bu axmaqlığın arxasında üzə çıxarılmalı olan mühüm bir mövzu var".

Hətta "L'Equipe" idman qəzeti də filmə müsbət reaksiya verib. Senanın işini izləyən jurnalistlər əsas personajların - Benjamin Vuazen və Emmanuel Berkotun ifasını qeyd ediblər: öz rollarında əla işləyiblər və stereotip olsa da, yaddaqalan obrazlar nümayiş etdiriblər.