Aktual mövzular: Dollar alış-satışı, Məzənnə, Neftin qiyməti

“Şerif”dən təklif almışam” - Ağabala Ramazanov

Tarix: 21 Noyabr 2019 17:28

“Səbail”in futbolçusu Ağabala Ramazanov Moldovanın “Şerif” klubundan təklif alıb.

Bu barədə Qol.az-a 26 yaşlı yarımmüdafiəçinin özü açıqlama verib.

O, “Şerif”in 3 illik müqavilə təklif etdiyini söyləyib: “Şerif” menecerim vasitəsi ilə mənimlə əlaqə saxlayıb. 3 illik müqavilə təklif ediblər. Ancaq hələlik klublar arasında hər hansı bir danışıq olmayıb. Qərarımı verdikdən sonra klublar arasında digər detallar danışalacaq”.

Milli komandamızın üzvü “Şerif”dən əlavə, Səudiyyə Ərəbistanı və Küveyt klublarından təkliflər aldığını bildirib: “Şerif”dən başqa, Səudiyyə Ərəbistanı və Küveyt klublarından təkliflər var. Özüm də legioner həyatı yaşamaq istəyirəm. Amma dəqiq qərarımı qışda verəcəyəm. Çünki hələ qarşıda “Səbail”lə oyunlarımız var. Ona görə bu haqda çox danışmaq istəmirəm”.

Qeyd edək ki, son Modova çempionu olan “Şerif” klubu hazırda 70 xalla turnir cədvəlinin vahid lideridir.

Whatsapp ilə göndər