Bu ölkə eynicinslilərin nikahını TƏSDİQLƏDİ

Tarix: 18 Iyun 2024 15:52

Tayland Senatı evlilik bərabərliyi qanununu təsdiqləyərək, Asiyada Nepal və Tayvandan sonra eynicinsli nikahları tanıyan üçüncü ölkə olmasına yol açdı.

Sonxeber.net news24.az-a istinadən xəbər verir ki, bütün yuxarı palata deputatlarının dəstəyini qazanan qanun kralın təsdiqi üçün saraya göndəriləcək. Qanun kral qəzetində dərc edildikdən 120 gün sonra qüvvəyə minəcək.

LGBTQ+ tərəfdarları bu addımı "irəli addım" adlandırıblar, çünki bu, Taylandı Cənub-Şərqi Asiyada nikah bərabərliyi qanununu qəbul edən ilk ölkə edəcək.

Qanun layihəsi fəalların və siyasətçilərin on ildən çox səylərindən sonra qəbul edilib.

Qeyd edək ki, iyunun əvvəlində minlərlə LGBTQ+ fəalı Banqkok küçələrində parad keçirdi. Baş nazir Srettha Thavisin "Qürur Ayı"nı qeyd etmək üçün göy qurşağı rəngli köynək geydi.