''Günah təkcə televiziyada deyil'' - İlqar Muradov

Tarix: 5 Iyul 2024 23:55

"Səviyyəli musiqilər var və olacaq. Amma şou-biznez biznes olduğu üçün müğənnilər tələbat nəyədirsə, qaçıb onu oxuyurlar ki, irəli gedib maddiyyət əldə etsinlər. Bayağılıq əvvələr də olub. Amma bu qədər yox. İndi niyə artıb? İndi efirlər, televizya kanalları çoxdur, sosial şəbəkələr inkişaf edib. Əvvəl dövlət televiziyası idi ki, ora da hər kəs buraxılmırdı. Bədii şurada mahnı, sözləri, ifa, hamısı nəzərə alınırdı, sonra efirə buraxılırdı. Həmin dövrdə də bayağı musiqilər var idi, amma bu qədər parlaq deyildi".

Sonxeber.net axşam.az-a istinadən bildirir ki, bu sözləri Xalq artisti İlqar Muradov "Künc-bucaq" layihəsində qonaq olarkən deyib. O, verilişlərə seçib getdiyini bildirib:

"Senzuraya həmişə ehtiyyac var. Əslində də indi də var. Lakin özlə kanallar üçün işləmir. Onlar baxış üçün bunu edirlər. Başa düşürəm ki, onlar maaş verməlidirlər, öz büdcələri olmalıdır. Bu, ələkdir. Vaxtı var, gəlib gedəcək. Musiqi yaxşı deyilsə, o yaşamayacaq. Düşünmürəm ki, bizim xəlbir xarab olub. Xalqın gözü tərəzidir. Bu həm də insanın səviyyəsi ilə bağlıdır. 

Verilişləri seçib gedirəm. Özəl günlərdə telekanallarda çıxışlarım olur. Belə isə, layiqli verilişlərdə oluram. Bəli, özümü gördüyüm verilişlər var. Heç kimi tənqid etmək fikrim yoxdur. Günah təkcə televiziya kanallarında deyil. Onlara maliyyə məsələlərində dəstək lazımdır. Tənqidi heç kim bəyənmir, onda pis adam olursan".