Aktual mövzular: Dollar alış-satışı, Neftin qiyməti, COP29, Hava proqnozu

Yanacaq tankeri partlayıb - 24 nəfər öldü

Tarix: 15 Sentyabr 2024 11:12

Haitidə yanacaq daşıyan yük avtomobilinin partlaması nəticəsində 24 nəfər həlak olub.

Sonxeber.net bildirir ki, bu barədə "Report" "Reuters"ə istinadən xəbər verir.

Qeyd olunub ki, hadisə Nippes departamentinin Miraqoane şəhəri yaxınlığında qeydə alınıb. Belə ki, yük maşınının çəni başqa nəqliyyat vasitəsi tərəfindən deşilib və insanlar yanacaq toplamaq üçün həmin əraziyə axışıblar. Nəticədə partlayış baş verib.

Partlayışda xəsarət alan 40 nəfərin yarısına üçüncü dərəcəli termik yanığı diaqnozu qoyulub. Haiti xilasetmə xidmətinin bəyanatında isə deyilir ki, ölənlərdən üçü qadın, biri isə uşaqdır.

Haitinin Baş naziri Harri Konil partlayışın olduğu əraziyə gedib. O bildirib ki, ağır yanıq xəsarətləri alanların bəziləri xüsusi yardım almaq üçün helikopterlə təxliyə edilib.

Whatsapp ilə göndər