Britaniyanın kəşfiyyat məlumatları Ukraynaya ötürülür

Tarix: 23 Sentyabr 2024 00:03

Qara dənizin Rusiya sahilləri yaxınlığında müntəzəm uçuşlar həyata keçirən Britaniyanın "RC-135W Rivet Joint" müşahidə təyyarəsi tərəfindən toplanan məlumatlar NATO ölkələri vasitəsilə Ukraynaya ötürülür.

Sonxeber.net axar.az-a istinadən xəbər verir ki, bu barədə "UK Defence Journal" nəşri məlumat yayıb.

"Rəsmi olaraq toplanan istənilən kəşfiyyat məlumatı NATO ölkələrinə göndərilir, lakin hamı bilir ki, bəzi ölkələr bu məlumatları Ukrayna ilə bölüşürlər", - nəşr bildirib.

Qeyd olunub ki, belə elektron kəşfiyyat təyyarələrinin uçuşları hazırda iki "Tayfun" qırıcısının müşayiəti ilə həyata keçirilir:

"Bu uçuşlarla onlar Rusiyaya açıq siqnal göndərirlər ki, Böyük Britaniya risklərə baxmayaraq, kəşfiyyat məlumatlarını toplamağa davam edəcək".