Keçmiş ərinin ölümü ilə bağlı DİNDİRİLDİ

Tarix: 21 Yanvar 2025 19:35

Məşhur rusiyalı müğənni Anna Sedokovanın keçmiş əri, latviyalı basketbolçu Yanis Timmanın ölümü ilə bağlı şahid qismində dindirilib.

Sonxeber.netxəbər verir ki, Yanisin telefonları hazırda istintaq orqanları tərəfindən yoxlanılır.

Bu barədə kriminalist Mixail İqnatov məlumat verib.

O qeyd edib ki, hələlik müğənnidən şübhələnəcək heç nə yoxdur və intiharda iştirakını sübut etmək üçün sənədlər və real məlumatlar lazımdır. Buna görə də Yanisin telefonları hazırda istintaq orqanları tərəfindən yoxlanılır:

"Timmanın bütün yazışmaları yoxlanılır, həmin gün faciədən əvvəl onunla əlaqədə olan insanlar dindirilir. Yəni, çox iş görülür, nəticələrdən danışmaq tezdir. Mən intihar ehtimalını istisna etmirəm. İnsan ləyaqətinin alçaldılması ilə bağlı yazışmaların olduğu və ya hansısa hədə-qorxu gəldiyi üzə çıxarsa, o zaman intihara çağırışla bağlı cinayət işinin açılacağını istisna etmirəm".

Qeyd edək ki, Yanis Timmanın yaxınları onun intihar etdiyinə şühələnirlər və həqiqətin ortaya çıxmasını tələb edirlər.

Xatırladaq ki, Yanis Timma ötən ilin dekabrın 17-də Moskvada intihar edib. Bundan əvvəl o, Sedokovaya zəng edib onunla görüşməyə çalışsa da, sənətçi əlaqə saxlamayıb.

Dekabrda Sedokova Timmadan boşanıb. Onlar 2020-ci ildən evli olublar. Sənətçi uzun müddətdir ayrılmaq istədiyini qeyd edib.

Basketbolçunun başqa keçmiş arvadı da var. O, Latviyada yaşayır və uzun illərdir ki, idmançını məhkəməyə verib. /Bizim.Media