Aktual mövzular: Dollar alış-satışı, Neftin qiyməti, COP29, Hava proqnozu

Maksim Oreşkin: Azərbaycan-Rusiya münasibətləri möhkəm strateji əsasa malikdir

Maksim Oreşkin: Azərbaycan-Rusiya münasibətləri möhkəm strateji əsasa malikdir

Tarix: 9 Dekabr 2019 17:33

Bakı. Eldar Canaşvili - Trend:

Azərbaycan-Rusiya münasibətləri möhkəm iqtisadi və siyasi əsasa malikdir və bu, ölkələr arasında strateji tərəfdaşlığın təsdiqidir.

Trend-in məlumatına görə, bunu Rusiyanın İqtisadi İnkişaf naziri Maksim Oreşkin iqtisadi əməkdaşlıq üzrə Azərbaycan-Rusiya hökumətlərarası komissiyasının 18-ci iclasında deyib.

Nazir Prezident İlham Əliyevin sentyabr ayında Rusiyaya uğurlu səfərini və bu səfər çərçivəsində beş yol xəritəsi üzrə ciddi işlərin görüldüyünü qeyd edib:

“Xüsusilə Birinci vitse-prezident Mehriban Əliyevanın Rusiyaya səfərinin yekunlarını qeyd etmək istəyirəm. Bu səfər çərçivəsində rəqəmsal iqtisadiyyatın inkişafı sahəsində altıncı yol xəritəsinin hazırlanması barədə razılıq əldə olundu və artıq ilk nəticələr var”.

M.Oreşkin əlavə edib ki, Rusiya ilə Azərbaycan arasında əməkdaşlıq təkcə ticarət sahəsində müsbət nəticə göstərmir. O vurğulayıb ki, nəqliyyat və infrastruktur sahəsində Samur çayı üzərində körpü tikintisi kimi vacib layihə reallaşdırılır.

Trend-in ən mühüm və maraqlı xəbərlərini "Telegram"da izləyin


Etiketlər:  Maksim Oreşkin Azərbaycan Rusiya münasibətləri möhkəm strateji əsasa malikdir


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ