Aktual mövzular: Dollar alış-satışı, Neftin qiyməti, COP29, Hava proqnozu

Məzahir Pənahov: Bələdiyyə seçkilərinin yekun nəticələri MSK tərəfindən 20 günə təsdiq edilməlidir

Tarix: 26 Dekabr 2019 11:18

Seçki məntəqələrinin təqribən 92 faizindən çoxundan daxil olan məlumatlar əsasında dekabrın 23-də keçirilmiş bələdiyyə seçkilərinin ilkin nəticələri məlum olub.

Sonxeber.net Trend-ə istinadən xəbər verir ki, bunu Mərkəzi Seçki Komissiyasının (MSK) sədri Məzahir Pənahov deyib.

M.Pənahov bildirib ki, bələdiyyə seçkilərinin nəticələri qanunvericiliyə uyğun şəkildə açıqlanacaq.

Onun sözlərinə görə, Seçki Məcəlləsinin tələbinə görə dekabrın 23-də keçirilən bələdiyyə seçkilərinin yekun nəticələri Mərkəzi Seçki Komissiyası tərəfindən 20 günə araşdırılıb başa çatmalı və təsdiq edilməlidir.

M.Pənahov vurğulayıb ki, bələdiyyə seçkilərin yekun nəticələri ən geci 25 gün müddətində ictimaiyyətə təqdim edilməlidir.

Whatsapp ilə göndər