''Sabah'' Antalyada ilk məşqə çıxdı - FOTO

Tarix: 9 Yanvar 2020 08:40

Mövsümün ikinci yarısına hazırlığı davam etdirən "Sabah" ötən gün Antalya toplanışı çərçivəsində ilk məşqinə çıxıb.

Sonxeber.net klubun saytına istinadən xəbər verir ki, komanda əvvəlcə fitnes zalında yüngül məşq keçib. Daha sonra yaşıl meydançada davam edən hazırlıq prosesində əsasən toplu çalışmalar və müxtəlif fiziki təmrinləri yerinə yetirilib.

Xatırladaq ki, "Sabah", hazırlıq çərçivəsində ilk yoxlama oyununu Macarıstanın "Pakş" komandasına qarşı keçirəcək. Matç yanvarın 11-də olacaq.