Aktual mövzular: Dollar alış-satışı, Neftin qiyməti, COP29, Hava proqnozu

Türkiyədə azyaşlını zorlayıb öldürdülər, sonra basdırıb üstünə daş tökdülər - FOTO

Tarix: 10 Yanvar 2020 19:44

Türkiyənin Qars şəhərində azyaşlını zorlayaraq öldürən şəxslərin məhkəməsi olub.

Sonxeber.net oxu.az-a istinadən bildirir ki,Kağızman rayonu Paslı kəndində doqquz yaşlı Sedanur Gözəlin itkin düşəndən yeddi gün sonra daşlarla örtülmüş meyiti tapılıb.

Üçüncü sinfində oxuyan S.Gözəlin həmkəndliləri 37 yaşlı Ertan Bozqurd, 34 yaşlı Əhməd Bilən və 47 yaşlı Himmət Uç onu təcavüzə məruz qoyub öldürmələri iddiası ilə tutulublar.

Məhkəmədə son sözləri soruşulan cinayətkarlar törətdiyi əməli qəbul etməyərək bəraət tələb ediblər.

Uşağın valideynləri cinayətkarlara ən ağır cəza verilməsini istəyib.

Məhkəmə qərarı ilə E.Bozqurd və Ə.Bilən hər ikisi 39 il müddətinə azadlıqdan məhrum edilib, H.Uç isə bəraət alaraq azadlığa çıxıb.