Aktual mövzular: Dollar alış-satışı, Neftin qiyməti, COP29, Hava proqnozu

“WhatsApp Pay” ödəniş sistemi bir sıra ölkələrdə işə salınacaq

“WhatsApp Pay” ödəniş sistemi bir sıra ölkələrdə işə salınacaq

Tarix: 3 Fevral 2020 12:24

“WhatsApp Pay” elektron ödəniş sistemi növbəti altı ay ərzində bir sıra ölkələrdə istifadəyə veriləcək. Bu barədə “Facebook” şirkətinin rəhbəri Mark Sukerberq bildirib.

 

“ICTnews” Elektron Xəbər Xidməti “Rambler” resursuna istinadən yazır ki, onun sözlərinə görə, “WhatsApp” messencerinin ödəniş interfeysi ilə birləşdirilməsi istifadəçilərə pulu fotoşəkillər kimi asan və tez göndərməyə imkan verəcək. M.Sukerberq qeyd edib ki, artıq “WhatsApp” əsasında ödəniş servisi bir sıra ölkələrdə sınaqdan keçirilir, bəzilərində isə növbəti altı ay ərzində istifadəyə verilməsi gözlənilir. Bununla yanaşı, “WhatsApp Pay” sisteminin istifadəyə verilməsi planlaşdırılan konkret ölkələrin adı açıqlanmır.

 

Qeyd edək ki, “WhatsApp Pay” elektron ödəniş sistemi 2018-ci ildən Hindistanda test edilir. Ölkədə elektron ödənişlər üçün Hindistan Milli Ödəniş Korporasiyasının mövcud “UPI” ödəniş interfeysi istifadə olunur.

 

Nizam Nuriyev




Etiketlər:  WhatsApp ödəniş sistemi sıra ölkələrdə işə salınacaq


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ