''Həmin günü xatırlamaq belə istəmirəm'' - Eriksen

Tarix: 5 Fevral 2020 17:50

"İnter"in futbolçusu Kristian Eriksen keçmiş klubu "Tottenhem"dən ayrılması barədə danışıb.

Qol.az İtaliya mətbuatına istinadən xəbər verir ki, 27 yaşlı yarımmüdafiəçi Milan təmsilçisində titul qazanmaq şansının daha çox olduğu üçün London klubundan ayrılıdığını bildirib: "Burada kubok qazanmaq ehtimalı daha yüksəkir. Əvvəlkindən daha çox şans var. Çempionlar Liqasının finalı günü çox pis keçdi. O qədər ağır idi ki, xatırlamaq belə istəmirəm. Qazanmaq və yeni bir mərhələyə başlamaq üçün  burdayam. Sonuncu dəfə "Ayaks"da oynayanda titul qazandım. Həmin hissi hələ də xatırlayıram. Ona görə də bunu "İnter"lə də yaşamaq istəyirəm".

Qeyd edək ki, K.Eriksen ötən ay 20 milyon avro qarşılığında "Tottenhem"dən "İnter"ə keçib. İtalya klubu danimarkalı futbolçu ilə 2024-cü ilədək müqavilə bağlayıb.

Əlavə edək ki, 2013-cü ildən "Tottenhem"in formasını geyinirdi.