Aktual mövzular: Dollar alış-satışı, Neftin qiyməti, COP29, Hava proqnozu

De Byazi AFFA-dan 2 milyon istəyib? – Özü açıqladı

De Byazi AFFA-dan 2 milyon istəyib? – Özü açıqladı

Tarix: 16 Mart 2020 14:10

"Ailəm və özümlə bağlı hər şey qaydasındadır. Karantində deyilik".

Bu fikirləri Azərbaycan millisinin baş məşqçi vəzifəsinə əsas namizədlərdən olan Canni de Byazi koronavirusla bağlı İtaliyadakı vəziyyət barədə danışarkən deyib.

64 yaşlı mütəxəssis bildirib ki, ölkədə vəziyyət mürəkkəbdir: "Avropanın bir çox ölkəsində olduğu kimi, İtaliyada da durum ürəkaçan deyil. İnsanlar vaxtlarının böyük hissəsini evlərində keçirir. Çölə yalnız alış-veriş və dərman almaq üçün çıxırıq. Ölkədə ciddi tədbirlər görülür. İngiltərə kimi ölkələrdən fərqli, İtaliyada hamı yoxlanılır. Ümid edirəm ki, bu virus Azərbaycanda geniş yayılmayacaq".

De Byazi AFFA-dan 2 milyon avro istəməsi ilə bağlı Azərbaycan mətbuatında yayılan məlumatların doğru olmadığını söyləyib. O, milli assosiasiya ilə danışıqların hansı mərhələdə olması barədə isə fikir bildirmək istəməyib.

Qeyd edək ki, Canni De Byazinin sonuncu iş yeri İspaniya "Alaves"i olub. O, 2011 - 2017-ci illərdə Albaniya yığmasına başçılıq edib. De Byazinin rəhbərliyi altında bu komanda tarixində ilk dəfə 2016-cı il Avropa çempionatına vəsiqə qazanıb (Report).

 


Etiketlər:  Byazi AFFA milyon istəyib Özü açıqladı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ