Aktual mövzular: Dollar alış-satışı, Məzənnə, Neftin qiyməti

Azərbaycanda özəl tibb müəssisələrində yoxlamaların aparılması barədə qərar qəbul olunub

Azərbaycanda özəl tibb müəssisələrində yoxlamaların aparılması barədə qərar qəbul olunub

Tarix: 17 Mart 2020 13:28

Bakı. Elçin Mehdiyev – Trend:

Azərbaycanda özəl tibb müəssisələrində yoxlamaların aparılması barədə qərar qəbul olunub.

Trend-in məlumatına görə, bununla bağlı məsələ Milli Məclisin bu gün keçirilən iclasında müzakirəyə çıxarılan "Sahibkarlıq sahəsində aparılan yoxlamaların dayandırılması haqqında" qanuna dəyişiklikdə öz əksini tapıb.

Dəyişiklik haqqında məlumat verən Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili deyib ki, Azərbaycanda sahibkarlıq sahəsində aparılan yoxlamalar 2021-ci ilin yanvarın 1-ə qədər dayandırılıb:

“Lakin burada istisnalar mövcuddur. Bu istisnalar dövlət təhlükəsizliyinə və iqtisadi maraqlara təhlükə yaranan hallarda dövlət orqanlarına yoxlamalar aparmağa icazə verir. Təqdim olunan qanuna əsasən, həmin istisnaya özəl tibb fəaliyyəti subyektlərində yoxlamalar da əlavə olunur”.

Qanuna dəyişiklik səsə qoyularaq qəbul edilib.


Etiketlər:  Azərbaycanda özəl tibb müəssisələrində yoxlamaların aparılması barədə qərar qəbul olunub


RƏYLƏR