Aktual mövzular: Dollar alış-satışı, Neftin qiyməti, COP29, Hava proqnozu

FIFA-dan ''transfer pəncərəsi'' və müqavilələrlə bağlı - Yeni qərarlar

Tarix: 7 Aprel 2020 21:48

FIFA koronavirusa görə futbolçuların müqavilələri və "transfer pəncərələri" ilə bağlı qaydalarda dəyişikliyi açıqlayıb.

Qol.az qurumun rəsmi saytına istinadən xəbər verir ki, milli çempionatlarda "transfer pəncərələri"nin bağlanma və açılma vaxtlarını dəyişdirməyə icazə verilib. "Transfer pəncərələri"nin dəqiq vaxtı daha sonra açıqlanacaq.

Bundan başqa, sözləşməsi 2020-ci ilin iyun ayında başa çatacaq futbolçularla müqavilənin çempionat bitənədək uzadılacağı bildirilib.

Həmçinin, FİFA oyunçuları və klubları maaşların azaldılması ilə bağlı razılığa gəlməyə çağırıb.

Mövsümlər və qeydiyyat tarixləri üst-üstə düşdükdə və tərəflər razılığa gələ bilmədikdə milli liqaların başa çatmasını təmin etmək üçün üstünlük futbolçuların hazırda çıxış etdikləri klublara verilməlidir.