Aktual mövzular: Dollar alış-satışı, Neftin qiyməti, COP29, Hava proqnozu

Afrikalı hücumçu “Neftçi”yə qayıtmayacaq

Tarix: 4 Iyun 2019 11:56

“Neftçi”nin qış fasiləsində Birləşmiş Ərəb Əmirliklərinin “Əl-Oruba” klubuna icarəyə verilən Kvame Karikari “ağ-qaralar”a qayıtmayacaq.

Bu barədə Qol.az-a paytaxt təmsilçisinin mətbuat xidmətinin rəhbəri Rüstəm Allahverdiyev məlumat verib. Onun sözlərinə görə, qanalı hücumçu karyerasını ərəb klubunda davam etdirəcək:

“Çox güman ki, Karikari icarəyə verildiyi klubda qalacaq. Danışıqlar davam edir. Ancaq hələ ki, konkret məlumat yoxdur. Nəsə olsa, açıqlanacaq”.

Qeyd edək ki, ötən yay “Neftçi”yə transfer olunan Karikari qış fasiləsinə qədər 10 oyunda meydana çıxıb, 1 qol vurmuşdu.