İspaniyada kubokun finalı olmasa... – Avroliqaya kim gedəcək?

Tarix: 1 May 2020 16:02

“Atletik” və “Real Sosyedad” arasında keçirilməsi nəzərdə tutulan kubokun final matçı baş tutmasa, İspaniyanı Avropa Liqasında təmsil edəcək üçüncü komanda bəlli olub.

Qol.az xəbər verir ki, həmin oyun aprelin 18-də keçirilməli idi. Amma koronavirus pandemiyası səbəbindən oyun təxirə salınıb və keçirilməsi sual altndadır. İspaniya mətbuatı xəbər verir ki, final olmasa növbəti mövsüm Avropa Liqasında iştirak üçün sonuncu – üçüncü vəsiqə hazırda La Liqada 7-ci yeri tutan komandaya veriləcək. Hazırda bu pillədə “Valensiya” qərarlaşıb.

La Liqaya gəlincə, həmin yarışın da bərpa edilib-edilməyəcəyi qətiləşməyib.

Əlavə edək ki, turnir cədvəlindəki hazırkı vəziyyətə əsasən, “Barselona”, “Real”, “Sevilya” və “Real Sosyedad” Çempionlar Liqası, “Hetafe” və “Atletiko” (Madrid) isə Avropa Liqasına vəsiqə qazanır.