Aktual mövzular: Dollar alış-satışı, Neftin qiyməti, COP29, Hava proqnozu

Əli Əhmədov: AXC-Müsavat hakimiyyətinin yaratdığı xaos, anarxiya, iqtisadi tənəzzül Heydər Əliyevin qayıdışı ilə aradan qaldırıldı

Əli Əhmədov: AXC-Müsavat hakimiyyətinin yaratdığı xaos, anarxiya, iqtisadi tənəzzül Heydər Əliyevin qayıdışı ilə aradan qaldırıldı

Tarix: 12 Iyun 2020 13:15

"Müasir Azərbaycan tarixinin ən şərəfli anlarından olan Milli Qurtuluş Günündən 27 il ötür. Ümummilli lider Heydər Əliyevin tarixi qayıdışını ifadə edən Milli Qurtuluş Günü Azərbaycanın dövlət müstəqilliyinin bərpa edilməsindən sonra tariximizin dönüş nöqtəsini təşkil edib".

Sonxeber.net Trend-ə istinadən xəbər verir ki, bunu Baş nazirin müavini, Yeni Azərbaycan Partiyasının (YAP) Sədr müavini - İcra katibi Əli Əhmədov deyib.

Ə.Əhmədov bildirib ki, AXC-Müsavat hakimiyyətinin yaratdığı xaos, anarxiya, iqtisadi tənəzzül, 1600 faizlik inflyasiya, erməni təcavüzünün genişlənməsi, ölkənin cənubunda və şimalında tüğyan edən separatizm, beynəlxalq təcrid və s. ilə müşayiət olunan ağır və hərtərəfli böhran yalnız Heydər Əliyevin qayıdışı sayəsində aradan qaldırıldı:

"Bu, sözün əsl mənasında Azərbaycanın və onun müstəqilliyinin xilası demək idi. 1993-cü il iyunun 15-dən başlayan qurtuluş məfkurəsi Azərbaycanın müstəqil dövlətinin qurulması və onun möhtəşəm inkişafının əsasını təşkil edir. Xalqımız bugünkü sabitlik və əmin-amanlığa, yüksəliş və müasirləşməyə görə Heydər Əliyevin tarixi qayıdışına minnətdardır. Milli Qurtuluş bayramınız mübarək olsun".


Etiketlər:  Əli Əhmədov Müsavat hakimiyyətinin yaratdığı xaos anarxiya iqtisadi tənəzzül Heydər Əliyevin qayıdışı ilə aradan qaldırıldı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ