Huawei-i itirmək ABŞ şirkətlərinin gəlirlərinə mənfi təsir göstərməyib

Tarix: 16 Iyun 2020 09:00

May ayının ortalarında Huawei Technologies şirkətinə qarşı ABŞ tərəfindən yeni sanksiyalar qüvvəyə minib. Saksiyanın qüvvəyə minməsi yalnız müqavilə istehsalçıları ilə deyil, həm də mikroprosessor dizaynı üçün xüsusi proqram təminatçıları ilə də əməkdaşlıqda problem yaratdı. Amma bu ilin birinci rübünə əsaslanan hesabat nəticələrinə baxdıqda ABŞ-ın Çində fəaliyyət göstərən proqram təminatçılarının Huawei-ə qarşı tətbiq etdiyi sanksiyalardan dolayı zərər çəkmədiyi görünür. ABŞ-a məxsus texnologiya şirkətləri başlıca müştərilərindən birini - Huawei itirsə də gəlirlərini artırıb. Huawei-in tələbatı üçün on ildən çox müddət ərzində prosessorlar hazırlayan HiSilicon şirkətinin nəzdində olan Synopsys və Cadence Design Systems nümayəndələri şirkətin Çindəki gəlirlərinin daha sürətli tempdə artmağa davam etdiyini bildiriblər. Şirkət bu ilin ilk rübündə gəlirinin 13%-ni Çində satdığı məhsuldan əldə edib. Hazırda kompaniyanın dəyəri 83,8 milyon dollara çatıb.

Sonxeber.net ted.az-a istinadən bildirir ki, müstəqil ekspertlərin fikrincə, Çin hökuməti tərəfindən dəstəklənən yerli kiçik şirkətlərin ixtisaslaşdırılmış proqram təminatlarının satışında artım müşahidə olunur.

Bəzi mənbələrə görə, Çin daxilində belə kiçik şirkətlərin ümumi sayı 500-ə çatır. Bu şirkətlərə göstərilən dəstək gələcəkdə ABŞ şirkətlərinin Çin bazarındakı satış nüfuzuna təsir göstərəcəyi proqnozlaşdırılır.