Ramosdan yeni rekord - Kumanı geridə qoydu

Tarix: 22 Iyun 2020 10:22

"Real"ın kapitanı Serxio Ramos İspaniya çempionatı tarixinin ən çox qol vuran müdafiəçisi olub.

Qol.az xəbər verir ki, o, son olaraq La Liqanın 29-cu turunda "Real" Sosyedad"la matçda (2:1)penaltidən fərqlənərək ölkə çempionatında indiyə kimi vurduğu qolların sayını 68-ə yüksəldib. Bununla da, 34 yaşlı müdafiəçi "Barselona"nın sabiq futbolçusu Ronald Kumanı (67 qol) geridə qoyaraq İspaniya çempionatı tarixinin ən çox qol vuran müdafiəçisi olub.

İspaniyanın çempionatının ən yaxşı bombardir-müdafiəçilərinin "TOP-5"i

1. Serxio Ramos ("Real") — 68 qol (12 — penalti ilə)
2. Ronald Kuman (sabiq "Barselona"lı) — 67 (46)
3. Fernando Yerro (sabiq "Real"lı) — 51 (19)
4. Roberto Karlos (sabiq "Real"lı) — 46 (2)
5. Pirri (sabiq "Real"lı) — 45 (16)