Aktual mövzular: Dollar alış-satışı, Məzənnə, Neftin qiyməti

Rusiyada konstitusiyaya dəyişikliklərlə bağlı referendum keçirilir

Tarix: 1 Iyul 2020 10:48

Bakı. Trend:

İyulun 1-də Rusiyada konstitusiyaya dəyişikliklərlə bağlı referendumun son mərhələsi keçirilir.

Trend-in məlumatına görə, səsvermə Moskva vaxtı ilə saat 20:00-dək davam edəcək.

Qeyd edək ki, referendum üzrə səsvermə elektron yolla iyunun 25-dən etibarən başlayıb. İyunun 30-dək seçicilərin 45,7 faizi elektron səs verib.

Konstitusiyaya dəyişikliklərdə Rusiya qanunvericiliyinin beynəlxalq qanunvericilik üzərində üstünlüyü, Rusiya xalqı və tanrı barədə anlayışlara düzəlişlər, eləcə də hazırkı ölkə Prezidentinin növbəti müddətə seçilmək imkanı nəzərdə tutulur.

Referendumun ilkin nəticələri axşam saatlarında açıqlanacaq. Ekzit-poll nəticələrinə əsasən, elektron səsvermədə seçicilərin 76 faizi dəyişikliklərin lehinə səs verib.

Whatsapp ilə göndər