Aktual mövzular: Dollar alış-satışı, Neftin qiyməti, COP29, Hava proqnozu

Turizm böhranı ilə əlaqədar dünya iqtisadiyyatının itkiləri hesablanıb

Tarix: 1 Iyul 2020 21:28

Turizm sektorunda koronavirus pandemiyası ilə əlaqədar böhran 12 ayadək davam edəcəyi təqdirdə dünya iqtisadiyyatına 3,3 trilyon dollar ziyan dəyə bilər.

Sonxeber.net Trend-ə istinadən bildirir ki, bu barədə BMT-nin Ticarət və İnkişaf Konfransının proqnozunda deyilir.

Proqnoza əsasən, turizm sektorunda durğunluq təkcə dörd ay ərzində 1,2 trilyon dollar itirə bilər ki, bu da qlobal ümumi daxili məhsulun 1,5 faizinə bərabərdir.

Bir il ərzində isə bu itkilər 3,3 trilyon dollar və ya qlobal ÜDM-in 4,2 faizinə bərabər olacaq.

Ölkələr arasında ən çox Tailand zərər çəkə bilər. Bu ölkənin itkiləri ÜDM-in 11 faizinə çata bilər. Yamaykada bu göstərici 9 faiz, Keniya, Misir, Malayziyada 3 faizə çatacaq.

Eyni zamanda, Yunanıstan, İtaliya, Portuqaliya, Fransa, İspaniya və ABŞ-ın turizm sektorunun ciddi itkiləri olacaq.

Whatsapp ilə göndər