Aktual mövzular: Dollar alış-satışı, Neftin qiyməti, COP29, Hava proqnozu

Komitə: “Şuşa şəhərciyi”ndə heç bir yanğın hadisəsi baş verməyib

Komitə: “Şuşa şəhərciyi”ndə heç bir yanğın hadisəsi baş verməyib

Tarix: 6 Iyul 2020 18:22

Bu gün iyunun 6-da Fövqəladə Hallar Nazirliyinin rəsmi internet səhifəsində Bakı şəhərinin Sabunçu rayonunda, Ramana qəsəbəsində bir neçə evdə yanğın baş verməsi haqqında məlumat yerləşdirilib. Bəzi kütləvi informasiya vasitələri həmin məlumatı yayarkən hadisənin Ramana qəsəbəsindəki "Şuşa şəhərciyi" adlanan ərazidə baş verdiyini bildiriblər.

Qaçqınların və Məcburi Köçkünlərin İşləri üzrə Dövlət Komitəsinin Mətbuat xidmətindən Trend-ə bildirilib ki, Ramana qəsəbəsində məcburi köçkünlərin məskunlaşdığı "Şuşa şəhərciyi" adlanan ərazidə heç bir yanğın hadisəsi baş verməyib. Yanğın "Şuşa şəhərciyi"nin ərazisindən bir neçə kilometr uzaqda olub və nəticədə yerli əhalinin yaşadığı evlərə ziyan dəyib.

Mətbuat xidməti kütləvi informasiya vasitələrindən cəmiyyətin həssas təbəqəsi olan məcburi köçkünlərlə bağlı məlumatların yayılmasına diqqətlə yanaşmağı, həmin məlumatları yaymamışdan qabaq Dövlət Komitəsi ilə əlaqə saxlayaraq dəqiqləşdirməyi bir daha xahiş edir.


Etiketlər:  Komitə Şuşa şəhərciyində heç yanğın hadisəsi baş verməyib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ