Aktual mövzular: Dollar alış-satışı, Neftin qiyməti, COP29, Hava proqnozu

Azərbaycan ermənilərinin neçə faizi azərbaycanca bilir? - Rəsmi STATİSTİKA

Tarix: 27 Iyul 2020 16:26

Əldə olan son statistikaya görə, Azərbaycan əhalisinin 98,4 faizi öz millətinin dilini ana dili sayanlardır.

Sonxeber.net xəbər verir ki, Dövlət Statistika Komitəsindən (DSK) modern.az-ın sorğusuna cavab olaraq verilən məlumata görə, əhalinin ana dili və sərbəst danışdığı dillərə görə bölgüsünə dair məlumatlar sonuncu dəfə 2009-cu il əhalinin siyahıyaalınması zamanı qeydə alınıb. Yeni statistika isə 2022-ci ildə ictimaiyyətə açıqlanacaq. Hazırda son məlumatlar emal mərhələsindədir.

Qeyd edək ki, 2009-cu ildə əhali sayı 8922,4 min nəfər olub. 2020-ci il iyun ayının 1-i vəziyyətinə Azərbaycan Respublikasının əhalisi 10089853 təşkil edir.

Son məlumata görə, ölkə vətəndaşları olan azərbaycanlıların 99,7 faizi, ləzgilərdən 90,1 faizi, ermənilərdən 99,9 faizi öz millətinin dilini ana dili sayır. Rəsmi məlumata görə, həmin dövrdə ermənilərin (Dağlıq Qarabağda və ümumilikdə ölkədə yaşayan-red.) cəmi 0,2 faizi Azərbaycan dilində sərbəst danışa bilib. Yəqin ki, sonuncu yeni statistikada bu faiz göstəriciləri dəyişəcək. Çünki təkcə sosial şəbəkə istifadəçiləri arasında Azərbaycan dilində sərbəst yazıb-oxuyan ermənilərin olduğu istisna deyil...

Dövlət Statsitika Komitəsində mövcud olan son məlumatlarını təqdim edirik:

Milli tərkib	Milli mənsubiyyətə görə əhalinin sayı, min nəfər	onlardan öz millətinin dilini ana dili sayanlar, faizlə	Əhalinin sərbəst danışdığı dillər, faizlə 1)
öz millətinin dili	azərbaycan dili	rus dili	ingilis dili
Əhalinin sayı - cəmi	8922,4	98,4	98,8	98,6	7,6	0,8
o cümlədən:
azərbaycanlılar	8172,8	99,7	99,9	-	6,7	0,8
ləzgilər	180,3	90,1	91,7	96,3	23,7	0,7
ermənilər	120,3	99,9	99,9	0,2	0,1	0,0
ruslar	119,3	98,9	99,2	42,9	-	0,9
talışlar	112,0	42,5	43,0	99,8	5,9	0,2
avarlar	49,8	93,3	94,1	99,4	18,1	0,2
türklər	38,0	83,7	85,5	99,7	11,0	0,6
tatarlar	25,9	93,2	93,6	22,7	12,1	0,5
tatlar	25,2	75,4	76,5	99,8	9,0	0,2
ukraynalılar	21,5	97,6	97,7	5,6	3,7	0,1
saxurlar	12,3	95,3	96,2	99,2	9,9	0,2
gürcülər	9,9	97,8	98,0	79,5	21,4	0,5
yəhudilər	9,1	93,5	94,1	45,6	19,3	0,6
kürdlər	6,1	36,1	51,9	99,9	6,4	0,1
udinlər	3,8	99,3	99,3	99,6	60,9	0,6
xınalıqlar	2,2	97,4	97,5	99,9	0,9	0,1
qrızlar	4,4	28,5	28,9	100,0	8,5	0,3
digər millətlər	9,5	80,5	82,9	62,4	20,0	4,3

1) Əhalinin sərbəst danışdığı dillər üzrə məlumatlar müvafiq millətlər üzrə 3 və yuxarı yaşlı əhaliyə nisbətən faizlə verilib.