Aktual mövzular: Dollar alış-satışı, Neftin qiyməti, COP29, Hava proqnozu

''Neftçi'' bizə qonaqpərvərliyini göstərir'' - Abdurrahim Albayrak

''Neftçi'' bizə qonaqpərvərliyini göstərir'' - Abdurrahim Albayrak

Tarix: 17 Sentyabr 2020 10:48

"Çox sevdiyimiz qardaş ölkənin komandası ilə qarşılaşacağıq. "Neftçi" bizə öz qonaqpərvərliyini göstərir. Azərbaycandakı dostlarımıza salamımızı və sevgimizi çatdırırıq".

Qol.az xəbər verir ki, bu sözləri "Qalatasaray"ın vitse-prezidenti Abdurrahim Albayrak Avropa Liqasının 2-ci təsnifat mərhələsində Bakıda "Neftçi" ilə keçirəcəkləri oyun öncəsi "TRT Spor"a açıqlamasında deyib.

"Bu matç bizim üçün çox önəmlidir. İnanıram ki, "Qalatasarat" "Qaziantep"lə matçda sərgilədiyi möhtəşəm oyunu Bakıda da göstərəcək və mərhələni keçərək Türkiyəyə qayıdacaq" - deyə o bildirib.

A.Albayrak görüşün Azərbaycan və ya Türkiyədə keçirilməsinin "Qalatasaray" üçün fərq etmədiyini vurğulayıb: "İstanbulda cavab görüşü keçirilsəydi belə, yenə azarkeşlər stadionda olmayacaqdı. Ümid edirəm ki, "Neftçi"ni mübarizədən kənarlaşdıracağıq və növbəti oyunu evdə keçirəcəyik. Azarkeşsiz oyunun heç bir dadı-duzu yoxdur".

Qeyd edək ki, bu gün Bakı Olimpiya Stadionunda keçiriləcək "Neftçi" - "Qalatasaray" matçı saat 20:00-da başlayacaq.

 


Etiketlər:  Neftçi bizə qonaqpərvərliyini göstərir Abdurrahim Albayrak


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ