Aktual mövzular: Dollar alış-satışı, Neftin qiyməti, COP29, Hava proqnozu

Hande Harmancıdan koronavirus vaksini ilə bağlı açıqlama

Hande Harmancıdan koronavirus vaksini ilə bağlı açıqlama

Tarix: 16 Oktyabr 2020 19:48

Koronavirusa qarşı vaksinlərin ilk dozaları ölkələrə 2021-ci ilin ortalarında gəlməyə başlayacaq.

Sonxeber.net bildirir ki, bunu Trend-ə Ümumdünya Səhiyyə Təşkilatının Azərbaycandakı nümayəndəliyinin rəhbəri Hande Harmancı deyib.

Onun sözlərinə görə, hazırda 200-ə yaxın namizəd peyvənd inkişaf mərhələsindədir. Bunlardan 42-i insan üzərində sınaqdan keçirilir. Təxminən 10-u üçüncü sınaq mərhələsindədir və ya daxil olmaqdadır. Birinci və ikinci mərhələdə olan bir neçə namizəd peyvənd qarşıdakı 2 ay ərzində üçüncü mərhələyə daxil olacaq:

"Genişmiqyaslı sınaq mərhələsinin nəticələrinin ilin sonunda gələcəyini gözləyirik. Məlumatlar əldə edildikdən sonra tənzimləyici orqanların peyvəndlərin təhlükəsizliyini və effektivliyini qiymətləndirməsi lazım olacaq və təsdiq olunmuş peyvəndlərin istehsalı başlayacaq. Bu mərhələləri nəzərə alaraq, ölkələrə ilk dozalar 2021-ci ilin ortalarından gələcək. İlk dozalar məhdud olacağından tibb işçiləri və yaşlı insanlar kimi həssas qruplar üçün peyvəndi prioritetləşdirməliyik".


Etiketlər:  Hande Harmancıdan koronavirus vaksini ilə bağlı açıqlama


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ