Ağ Ev Ermənistana qarşı tədbir görməlidir - 100.000 insan bunu tələb edir!

Tarix: 4 Noyabr 2020 10:24

9 oktyabr tarixində Ağ Evin rəsmi saytında "Ermənistan Respublikasını Azərbaycan Respublikasının mülki şəxslərinə qarşı hərbi cinayətlərdə iştirakına görə məhkum et" adlı bir petisiya yerləşdirildi.

Sonxeber.net bildirir ki, ərizənin mətnində beynəlxalq hüququn - BMT Təhlükəsizlik Şurasının qətnamələri (No 822, 853, 874, 884), Cenevrə Konvensiyaları (1949-cu ildən) və Haaqa Konvensiyaları (1907-dən) ilə əlaqəli olaraq Ermənistana silah tədarükünə təcili olaraq ticarət sanksiyaları və silah tədarükü tətbiq olunmasının zəruriliyi qeyd olunur.

Müraciətə baxılması üçün dərc olunduğu gündən 30 gün ərzində, yəni 8 noyabr tarixinədək 100 min imza toplanmalı idi. Bu gün 4 noyabrdır və Ermənistanın qınanması üçün ərizə artıq 100.000-dən çox səs topladı. Bu ana qədər petisiyanı 100 140 nəfər imzaladı. Bu isə o deməkdir ki, qaydalara riayət edərək Ağ Ev beynəlxalq hüququ kobud şəkildə pozan Ermənistana qarşı sanksiya tələbinə cavab verməlidir.

Hələ ki heç bir reaksiya görülməyib. Olsun, gözləyəcəyik. Ümid edirik ki, ABŞ-da keçiriləcək prezident seçkiləri ədalətin təntənəsini təmin etməyə mane olmayacaq və bu ölkə demokratiya və insan haqlarının müdafiəçisi imicini təsdiqləyəcək.

Ərizənin imzalanması üçün hələ açıq olduğunu və bu keçiddən keçərək qoşula biləcəyinizi unutmayın. Bu, yalnız bir neçə dəqiqə çəkəcək. Linkə daxil olun və səs verin. Gəlin Azərbaycanı birlikdə dəstəkləyək!