Aktual mövzular: Dollar alış-satışı, Neftin qiyməti, COP29, Hava proqnozu

“Visa” və “Azericard” Azərbaycanda rəqəmsal emissiyanın inkişafına kömək edəcək

Tarix: 18 Noyabr 2020 20:04

Bakı. Zeyni Cəfərov - Trend:

“Visa” şirkəti ilə “Azericard” prosessinq mərkəzi Azərbaycanda innovativ rəqəmsal ödəmə həllərinin hazırlanması üçün strateji tərəfdaşlıq üzrə saziş imzalayıb.

“Visa”dan Trend-ə bildiriblər ki, bu tərəfdaşlıq ölkədə mövcud rəqəmsal xidmətlərin spektrini genişləndirməyə və iqtisadiyyatın rəqəmsallaşdırılmasını stimullaşdırmağa imkan yaradacaq.

“Visa”nın Qafqaz ölkələri üzrə regional meneceri Kristina Doroşun sözlərinə görə, yeni nəsil rəqəmsal ödənişlərin təşviqində “fintech” cəmiyyətinin və tərəfdaşların dəstəklənməsi “Visa” üçün strateji prioritetdir.

“Azericard”la tərəfdaşlıq Azərbaycanda ödəniş ekosisteminin inkişafı üçün geniş perspektivlər açır və istehlakçılar üçün ən rahat, yeni rəqəmsal xidmətlər yaratmağa imkan verir.

Qeyd olunub ki, tərəfdaşlıq çərçivəsində “Visa” və “Azericard” rəqəmsal emissiyanın inkişafı və istehlakçılar üçün innovativ rəqəmsal ödəmə həllərinin yaradılması üzərində işləyəcək.

Whatsapp ilə göndər