İspaniya mediasında Azərbaycandakı alban kilsələrindən bəhs edilib

Tarix: 5 Yanvar 2021 16:34

İspaniya mediasında "Alban kilsələri tariximizin qədim izləridir" başlıqlı məqalə dərc olunub.

Diasporla İş üzrə Dövlət Komitəsindən Sonxeber.net-a verilən məlumata görə, ölkənin www.tuvozenpinares.com xəbər portalına açıqlamasında İspaniya Azərbaycanlıları Birliyinin sədri Vahid İmanov deyib ki, tarixi sənədlər qədim dövrdə Azərbaycan xalqının əcdadlarının öz ərazilərində xristianlığa ibadət etdiklərini göstərir.

Məqalədə tarixi, mədəniyyəti və qədim abidələri ilə dünya tarixçilərinin hər zaman diqqətini cəlb edən Qafqaz Albaniyasında xristianlığın yayılması, Azərbaycanın Şəki, Qax, Qazax, Qəbələ, Kəlbəcər, Göygöl və digər rayonlarında alban kilsələrinin min illərlə qorunub saxlanılması, alban kilsələrini erməniləşdirmək cəhdləri, İ.Petruşevski, N.Adonts və Z.Bünyadov kimi məşhur alimlərin ermənilərin bu cəhdlərini ifşa etmələri barədə ətraflı məlumatlar verilib.

"Bizim insanlar indiyədək bu müqəddəs yerləri ziyarət edirlər. Bu məbədlər Azərbaycan dövlətinin müdafiəsi və mühafizəsi altındadır", - deyə soydaşımız vurğulayıb.

Məqaləni daha ətraflı şəkildə aşağıdakı linkdən oxumaq mümkündür:
https://www.tuvozenpinares.com/articulo/sociedad/iglesias-albanesas-son-huellas-antiguas-nuestra-historia/20201229163149029931.html