Aktual mövzular: Dollar alış-satışı, Neftin qiyməti, COP29, Hava proqnozu

Ölkədə COVİD-19-a yoluxma əmsalı 5 faizədək enib - TƏBİB

Tarix: 16 Yanvar 2021 11:12

Bakı. İlhamə İsabalayeva – Trend:

Yoluxanların sayının azalması test sayının azalması ilə bağlı deyil, buna şübhə yaranmamamlıdır.

Trend-in məlumatına görə, bunu Nazirlər Kabineti yanında Operativ Qərargahın brifinqində Tibbi Ərazi Bölmələrini İdarəetmə Birliyinin (TƏBİB) Xəstəliklərin profilaktikası və kontrolu departamentinin müdiri Yaqut Qarayeva deyib.

Onun sözlərinə görə, hazırda aktiv xəstə sayı 9700-dən çoxdur.

Y.Qarayeva bildirib ki, ölkədə COVİD-19-a yoluxmaların sayı azalıb, sağalanların sayı artıb. Artıq yeni yoluxanlarla sağalanların sayı arasında 3-4 dəfə fərq var: “Bu, bizim üçün çox önəmlidir. Sərtləşdirilmiş karantin rejimi çarpayuı fondunun azalmasına səbəb olub”.

Y.Qarayeva bildirib ki, ölkədə COVİD-19-a yoluxma əmsalı 5 faizədək enib:” Bu, karantin rejiminin sərtləşdirilməsi və vətəndaşların qaydalara daha yaxşı əməl etməsinin nəticəsidir. Vətəndaşlar qayzdalara ciddi şəkildə riayət edirlər”.

Whatsapp ilə göndər