Aktual mövzular: Dollar alış-satışı, Neftin qiyməti, COP29, Hava proqnozu

Avropa İttifaqının kvant təşəbbüsünü dəstəkləyən ölkələrin sayı artır

Avropa İttifaqının kvant təşəbbüsünü dəstəkləyən ölkələrin sayı artır

Tarix: 24 Iyul 2019 14:24

Macarıstan, Portuqaliya və Polşa kvant kommunikasiya infrastrukturunun (QCI) hazırlanması və qurulması məqsədilə Avropa İttifaqının digər üzvləri ilə birgə fəaliyyət haqqında deklarasiyanı imzalayıb.

 

“ICTnews” Elektron Xəbər Xidməti “Servernews” resursuna istinadən yazır ki, kvant kommunikasiya texnologiyası fundamental fizika qanunlarına əsaslanır. Məlumat mübadiləsi üçün ələ keçirilməyə cəhd zamanı vəziyyəti biryolluq dəyişən bir-birindən ayrı fotonlardan istifadə olunur. Beləliklə, kvant kanallar vasitəsilə ötürülən informasiyanı gizlicə oğurlamaq, sadəcə, qeyri-mümkündür.

 

Məlumata görə, “QCI” təşəbbüsünün məqsədlərindən biri məhz kibertəhlükəsizlik səviyyəsinin artırılmasıdır. Bundan başqa, layihə Avropa ölkələrinə kvant texnologiyalar bazarında mövqeyini möhkəmləndirməyə imkan verəcək.

 

Kvant kommunikasiya infrastrukturunun növbəti 10 il ərzində Avropa İttifaqı ərazisində qurulması planlaşdırılır.

 

Qeyd edək ki, bundan əvvəl təşəbbüs Belçika, Almaniya, İtaliya, Lüksemburq, Malta, Niderland və İspaniya tərəfindən dəstəklənib.

 

Nizam Nuriyev




Etiketlər:  Avropa İttifaqının kvant təşəbbüsünü dəstəkləyən ölkələrin sayı artır


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ