Qar Gədəbəydə çətinlik yaradıb - VİDEO

Tarix: 9 Mart 2021 13:40

Respublikanın bir çox rayonlarına yağan qar nəticəsində həm rayonlarda, xüsusən dağlıq rayonlarda nəqliyyatın hərəkətində problemlər yaranıb.

Sonxeber.net Real TV-ə istinadən bildirir ki, Gədəbəy rayonu istiqamətində hərəkətdə olan, qoşqulu yük maşını yolların buz bağlaması nəticəsində hərəkət qabiliyyətini itirərək yolda qalıb.

Dərhal ərazidə xidmət aparan Gədəbəy RPŞ-nin Dövlət Yol Polisi Bölməsinin əməkdaşları hadisə yerinə gələrək müəyyən tədbirlər həyata keçirib.

Belə ki, YPX əməkdaşlarının gördüyü təhlükəsizlik tədbirləri nəticəsində, yolun müəyyən bir hissəsi bir müddətlik hərəkətə bağlanıb, asfalt örtüyünün qardan təmizlənməsi üçün müəyyən işlər görülüb. Nəticədə yük maşını hərəkətini bərpa edərək yoluna davam edə bilib.