Aktual mövzular: Dollar alış-satışı, Neftin qiyməti, COP29, Hava proqnozu

Instagram bəyəni sayını gizlətməyə hazırlaşır

Tarix: 27 Aprel 2021 08:12

Instagram postlarda bəyənmə sayının göstərilməsində yeni testə başlamağa hazırlaşır.

İstifadəçilər başqalarının yazılarında bəyənmə sayını söndürə, öz yazılarında bəyənmə sayını gizlədə və ya mövcud vəziyyəti qoruya biləcəklər. Bənzər təcrübənin Facebook üçün işlədildiyi bildirilsə də, mövzu ilə əlaqədar çox ətraflı məlumat verilməyib.

Instagram bir müddətdir müəyyən sayda istifadəçi ilə bəyənmə sayını gizlətməyi sınayır. Bu testdə istifadəçilərə bəyənmə sayını görmək-görməmək seçimi verilmir. Testin əvvəlində şirkət tərəfindən edilən açıqlamada, insanların bəyənmə sayından çox paylaşılan foto və videolara diqqət etmələri istənildiyi bildirilib.

Markalarla əməkdaşlıq edən Instagram istifadəçiləri də bunun markalarla olan sövdələşmələrini təsir edə biləcəyindən narahat olduqlarını bildiriblər. Lakin bəyənmə sayını özləri həqiqətən görə bildikləri üçün markalarla paylaşmalarına maneə yoxdur. Bununla yanaşı, qeyd etmək lazımdır ki, Instagram üçün istifadəçilərə bəyənmə sayını göstərmək seçimini vermək daha məqsədəuyğundur.

Whatsapp ilə göndər