''Neftçi''dən şok məğlubiyyət, ''Qarabağ'' çempionluğa yaxınlaşdı

Tarix: 27 Aprel 2019 20:56

Bu gün Azərbaycan Premyer Liqasında 26-cı turun oyunları keçirilib.

Qol.az-ın məlumatına görə, turun bütün matçları eyni gündə oynanılıb.

"Zirə"nin qonağı olan "Qarabağ" inamlı qələbə qazanıb - 3:0. Digər oyunda "Sabah” son pillədə yer alan “Keşlə”ni qəbul edib. Bu görüşdə meydan sahibləri qələbəyə yaxın olsalar da, qonaqlar 90+4-cü dəqiqədə vurduğu qolla məğlubiyyətdən qaça biliblər.

Bayılda isə “Səbail” “Qəbələ” ilə üz-üzə gəlib. Görüş üçüncü pillənin sahibinin müəyyənləşməsi baxımından həlledici əhəmiyyətə malik idi. Rəqibindən 2 xal geridə olan Sənan Qurbanovun komandası qələbə qazanacağı təqdirdə, "Səbail"i qabaqlayıb 3-cü pilləyə yüksələcəkdi. Ancaq "dənizçilər" vacib oyunda rəqibini məğlub edərək, xal fərqini 5-ə çatdırıblar.

Günün son oyununda isə “Neftçi” “Sumqayıt”la qarşılaşıb və gözlənilmədən uduzub - 2:3. Bununla da lider "Qarabağ"ın ən yaxın izləyicisi "Neftçi" ilə xal fərqi 5-ə yüksəlib. Ağdam klubu 27-ci turda "Səbail"ə qalib gəlsə, yarışın bitməyinə bir tur qalmış çempionluğu rəsmiləşdirəcək.


27 aprel

19:00. “Neftçi” – “Sumqayıt” - 2:3
Qollar: Ruslan Abışov, 8(1:0), Əmir Ağayev, 31 (1:1),Ülvi İsgəndərov, 42 (1:2), Baqali Dabo, 72 (2:2), Murad Xaçayev, 77 (2:3)
Hakimlər: Kamal Umudlu, Mübariz Haşımov, Rahil Ramazanov, Vüqar Həsənli
“Bakcell Arena”

16:30. “Zirə” – “Qarabağ” - 0:3
Qollar: Dani Kintana, 21 (0:1), Filip Ozobiç, 28 (0:2), Mahir Mədətov, 79 (0:3)
Hakimlər: Səbuhi Bayramov, Müslüm Əliyev, Eyyub İbrahimov, Rövşən Rəcəbov
Zirə İdman Kompleksinin stadionu

17:00. “Sabah” – “Keşlə” - 1:1
Qollar: Marko Deviç, 58-penalti (1:0), Conatan Ayite, 90+4 (1:1)
Hakimlər: İnqilab Məmmədov, Pərvin Talıbov, Əli Cəbrayılov, Elçin Məsiyev
“Əlincə Arena”

17:30. “Səbail” – “Qəbələ” - 2:1
Qollar: Fəhmin Muradbəyli, 19 (1:0), Ağabala Ramazanov, 24 (2:0), Bəhlul Mustafazadə, 41 (2:1)
Hakimlər: Əliyar Ağayev, Zeynal Zeynalov, Akif Əmirəli, Rauf Allahverdiyev
“ASCO Arena”

N	Klublar	O	Q	H	M	T-F	X
1	Qarabağ	26	18	6	2	58-19	60
2	Neftçi	26	16	7	3	47-22	55
3	Səbail	26	12	5	9	33-29	41
4	Qəbələ	26	9	9	8	30-29	36
5	Sabah	26	7	6	13	20-37	27
6	Zirə	26	6	7	13	24-39	25
7	Sumqayıt	26	6	5	15	22-42	23
8	Keşlə	26	5	5	16	24-41	20

Bombardirlər

Baqali Dabo ("Neftçi") - 12 qol
Mahir Mədətov ("Qarabağ") - 11 qol
Ceyms Adeniyi ("Qəbələ") - 10 qol
Filip Ozobiç ("Qarabağ) - 9 qol
Marko Deviç ("Sabah") - 8 qol
Emin Mahmudov ("Neftçi) - 7 qol
Mirabdulla Abbasov ("Neftçi") - 7 qol
Abdullah Zubir ("Qarabağ") - 7 qol