Aktual mövzular: Dollar alış-satışı, Neftin qiyməti, COP29, Hava proqnozu

''Türkiyə millisi fantastik oyunçulara sahibdir'' - Mançini

''Türkiyə millisi fantastik oyunçulara sahibdir'' - Mançini

Tarix: 10 Iyun 2021 21:22

"Ümid edirəm ki, finalda Türkiyə ilə yenidən qarşılaşarıq. Türkiyə millisi gəncdir amma fantastik oyunçulara sahibdir. Qələbə qazanmaq istəyiriksə, ən yaxşı oyunumuzu oynamalıyıq".

Sonxeber.net qol.az-a istinadən xəbər verir ki, bu sözləri İtaliya millisinin baş məşqçisi Roberto Mançini sabah "Avro-2020"nin açılış matçında Türkiyə ilə keçiriləcək görüş haqqında danışarkən deyib.

O, bu gün təşkil edilən mətbuat konfransında Türkiyə millisi haqda müsbət fikirlər səsləndirib. Mançini rəqibin kapitanı Burak Yılmazı xüsusi fərqləndirib: "Burak gözəl mövsüm keçirdi. Ümid edirəm ki, sabah qol vurmaz. Amma o, mənimlə eyni fikirdədirmi, bunu bilmirəm. Burakın oyununu çok bəyənirəm. Türkiyənin ən yaxşı futbolçularından biridir".

Mançini uzun müddətdən sonra azarkeşlər önündə futbol oynamağın gözəl hiss olduğunu deyib: "Azarkeşlər nə qədər çox olsa, o qədər xoşbəxt olarıq. 16 min azarkeş az deyil. Azarkeşlər önündə oynamaq çox gözəl duyğudur".

Qeyd edək ki, sabah Romada keçiriləcək Türkiyə - İtaliya oyunu Bakı vaxtı ilə saat 23:00-da başlayacaq.


Etiketlər:  Türkiyə millisi fantastik oyunçulara sahibdir Mançini


RƏYLƏR



Populyar Xəbərlər

XƏBƏR LENTİ