30 yaşlı kişi ilə evləndirilən 16 yaşlı qız ailəsinə qaytarıldı - Anası hər şeyi açıqladı - VİDEO

Tarix: 17 Iyul 2021 09:54

Şəkinin Kiçik Dəhnə kəndində yaşayan azyaşlı qızın Bakıda yaşayan ailəyə ərə verilməsiylə bağlı məlumat vermişdik. Hazırda aidiyyatı qurumlar tərəfindən qız atası evinə qaytarılıb, yaxın vaxtlarda bu halın təkrarlanmaması üçün ailə nəzarətə götürülüb. "XəzərXəbər" qızın ailəsi ilə görüşüb.

Sonxeber.net xezerxeber.az-a istinadən bildirir ki, bir neçə gün əvvəl 16 yaşlı Şəki rayonun Kiçik Dəhnə kəndində yaşayan qızın Bakının Maştağa qəsəbəsində yaşayan ailəyə  ərə verilməsiylə bağlı görüntülər yayılmış və fakt təsdiqini tapmışdı. 

30 yaşlı kişi ilə evləndirilən   qız   həmin şəxsdən alınaraq ailəsinə təhvil verilib...Qızın anası Xuraman Həbilayeva deyir ki,bu əslində toy yox sadəcə nişan olub..Oğlan evi ilə aralarında anlaşıblar.Oğlanın valideynləri qızı indidən aparıblar ki, toyu sonradan eləsinlər...

Qız orta məktəbin 9 -cu sinifini bitirib.Müəllimlər deyir ki,valideynlərin razılığı əsasında uşaq orta təhsilini davam etdirə bilər..

Yaşanan  hadisənin  bu səviyyəyə çatmasını ağlına belə gətirmən ana Xuraman Həbilayeva  onu 2 ildən sonra ərə verəcəyini bildirir.

Yeniyetməyə qarşı hər hansı təyziqlərin olub olmaması üçün  müvafik ekspertizalar təyin olunub.Polis əməkdaşları da məsələni ətraflı araşdırır.

Daxili İşlər Nazirliyi, Ailə, Qadın və Uşaq Problemləri üzrə Dövlət Komitəsi və yerli icra hakimiyyəti orqanının  nümayəndələri hər 2 tərəfdən  izahatlar alıb. Onlara psixoloji, sosial və hüquqi dəstək göstərilib.Azyaşlı 18 yaşı olanadək  nəzarətdə saxlanılacaq.