Dünyada daşqınların sayı artacaq

Tarix: 6 Avqust 2021 12:24

Son 20 ildə daşqınlardan zərər çəkmiş insanların sayı 24% artıb.

Sonxeber.net qafqazinfo-ya istinadən xəbər verir ki, bu göstərici alimlərin proqnozlarından 10 dəfə çoxdur.

Jurnal yazır ki, "Cloud to Street" şirkətinin mütəxəssisləri yeni araşdırma həyata keçirib. Araşdırma zamanı peyklə izləmənin nəticələrinə əsasən, daşqın riski yüksək olan bölgələrdə əhalinin artması bu ərazilərin iqtisadi inkişafı ilə əlaqədardır.

Vurğulanır ki, 2000-ci ildən 2018-ci ilə qədər daşqınlar bütün dünya üzrə 2,23 milyon kvadrat metr ərazini öz təsiri altına alıb. Bunun da nəticəsində 290 milyona yaxın insan zərər görüb.

Həmçinin, daşqınların 90%-i Cənubi və Cənub-Şərqi Asiyada, xüsusilə də Hind, Qanq-Brahmaputra və Mekonq kimi iri çaylarda baş verir. Həmçinin, Latın Amerikasının cənub hissəsində, Yaxın Şərqdə və Saharadan cənubda yerləşən Afrika ölkələrində də daşqın zonalarının artması müşahidə edilir.

"Cloud to Street" şirkəti belə hesab edir ki, 2030-cu ilə qədər iqlim və demoqrafik dəyişikliklər səbəbindən daşqınlar daha 25 ölkənin əhalisini öz təsirinə məruz qoyacaq.