Aktual mövzular: Dollar alış-satışı, Məzənnə, Neftin qiyməti

Qonşusu Abşeron sakininin 7700 manatını ələ keçirib - VİDEO

Tarix: 13 Avqust 2021 14:40

Abşeron rayon sakini Əbülfət Əlizadənin 7700 manat məbləğində pulunun müxtəlif bəhanələrlə qonşusu Səfərov Qabil Abdulla oğlu tərəfindən dələduzluq yolu ilə ələ keçirilməsi ilə bağlı ərizəsi Abşeron rayon prokurorluğu tərəfindən nəzarətə götürülüb.

Baş Prokurorluğun mətbuat xidmətindən Milli.Az-a verilən məlumata görə, müraciət əsasında Abşeron rayon polis idarəsinin İstintaq şöbəsində Cinayət Məcəlləsinin 178.2.2 (dələduzluq, təkrar törədildikdə) və 178.2.4-cü (dələduzluq, xeyli miqdarda ziyan vurmaqla törədildikdə) maddələri ilə cinayət işi başlanıb.

Prokurorluğa müraciət edərək məmnun qalan zərərçəkmiş Əbülfət Əlizadə Baş Prokurorluğun sosial şəbəkə hesabına minnətdarlığını ifadə etdiyi videoçarxı göndərməklə ictimailəşdirilməsini xahiş edib.

Baş Prokurorluğun Mətbuat xidməti bununla bağlı videoçarxı ictimaiyyətə təqdim edib.

Milli.Az

Whatsapp ilə göndər