Aktual mövzular: Dollar alış-satışı, Məzənnə, Neftin qiyməti

Millimiz İrlandiyaya qarşı

Tarix: 4 Sentyabr 2021 08:34

Bu gün DÇ-2022-nin Avropa zonası üzrə seçmə mərhələsində V tura start veriləcək.

Azərbaycan millisi A qrupunda 4-cü matçına çıxacaq.

Canni de Byazinin yetirmələri İrlandiya ilə üz-üzə gələcək. Dublindəki matç autsayderlərin dueli olacaq.

Hər iki komanda buna qədər keçirdiyi üç matçda uduzub. Sonuncu sırada olan millimiz irəliləmək üçün mütləq qalib gəlməlidir. İrlandiya isə heç-heçə ilə də mövqeyini qoruyacaq. Portuqaliyaya 0:1, Serbiya və Lüksemburqa eyni - 1:2 hesabı ilə uduzan de Byazinin komandası uğursuz seriyanı səfərdə qırmağa çalışacaq.

Qeyd edək ki, millimiz sentyabrın 7-də Portuqaliyanı qəbul edəcək.

DÇ-2022-nin seçmə mərhələsi
V tur, A qrupu
4 sentyabr
20:00. İrlandiya - Azərbaycan
Baş hakim: Cerom Brisar (Fransa)
Dublin. "Aviva" stadionu