Aktual mövzular: Dollar alış-satışı, Neftin qiyməti, COP29, Hava proqnozu

29 il əvvəl həbsxanadan qaçan kişi kirayə pulunu ödəyə bilmədiyi üçün təslim oldu

29 il əvvəl həbsxanadan qaçan kişi kirayə pulunu ödəyə bilmədiyi üçün təslim oldu

Tarix: 16 Sentyabr 2021 09:44

Avstraliyanın Yeni Cənubi Uels ştatında (NSW) həbsxanadan qaçan məhbus 29 ildən sonra təslim olub.

Sonxeber.net oxu.az-a istinadən xəbər verir ki, onun illər sonra bu addımı atmasına koronavirus pandemiyasında işsiz qalması səbəb olub.

64 yaşlı Darko Desik narkotik maddə yetişdirdiyi üçün 3,5 il həbs cəzasına məhkum edilib və 13 ay həbsdə olduqdan sonra, 1992-ci il avqustun 1-də həbsxanadan qaçıb.

Bütün axtarışlara baxmayaraq, tapıla bilməyən Desikin Sidneyin şimal çimərliklərində məskunlaşdığı və təmir-tikinti işləri ilə məşğul olduğu bildirilib.

Ştatda koronavirusa görə təxminən 3 aydır davam edən ciddi qadağalar səbəbiylə işi tamamilə dayanan kişi kirayə pulunu ödəyə bilməyib.

Evdən çıxıb sahildə yaşamağa başlayan Desik dəmir barmaqlıqlar arxasında yaşamağın "evsiz" olmaqdan "daha asan" olacağını düşünərək polisə təslim olub.


Etiketlər:  əvvəl həbsxanadan qaçan kişi kirayə pulunu ödəyə bilmədiyi üçün təslim oldu


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ