Aktual mövzular: Dollar alış-satışı, Məzənnə, Neftin qiyməti

Qəhrəman şəhidimiz Rəşad Babayev Vətən müharibəsində böyük fədakarlıq edib - VİDEO

Qəhrəman şəhidimiz Rəşad Babayev Vətən müharibəsində böyük fədakarlıq edib - VİDEO

Tarix: 1 Noyabr 2021 13:26

''Rəşad çox qəhrəmancasına döyüşürdü. Düşməni məhv edərək yalnız irəliyə can atırdı. Döyüş zamanı bir əsgərin əlində açılan qumbaranı dərhal götürüb ermənilərə tərəf atıb və xeyli sayda  düşməni məhv edib''.

Milli.Az Xəzər TV-yə istinadən xəbər verir ki,  bu fikirləri şəhid Rəşad Babayevin həyat yoldaşı Nigar Babayeva deyib.

Onun sözlərinə görə, Rəşad tezliklə müharibənin bitəcəyinə və işğaldakı torpaqlarımızın azad ediləcəyinə əmin idi.

7 il Xüsusi Təyinatlı Qüvvələrdə xidmət edən Rəşad Babayev Vətən müharibəsi zamanı bir sıra ərazilərimizin azad olunmasında böyük şücaət göstərib.

Qəhrəman şəhidimiz öz xasiyyəti, qohumcanlığı ilə onu tanıyan hər kəsin qəlbinə yol tapıb.

Rəşad Babayev ötən il oktyabrın 10-da Hadrut uğrunda gedən döyüşlərdə qəhrəmancasına şəhid olub.

Xüsusi təyinatlı gizir şəhid Rəşad Babayev ölümündən sonra "Rəşadət " ordeni, "Vətən uğrunda", "İgidliyə görə", "Kəlbəcərin azad olunmasına görə" və " Xocavəndin azad olunmasına görə" medalları ilə təltif olunub.

Mövzu ilə bağlı daha ətraflı videomaterialı təqdim edirik:

Milli.Az


Etiketlər:  Qəhrəman şəhidimiz Rəşad Babayev Vətən müharibəsində böyük fədakarlıq edib VİDEO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ