Əfsanəvi Hollivud ulduzunun malikanəsi satılır - FOTOlar

Tarix: 16 Dekabr 2021 20:10

Əfsanəvi aktyor Kirk Duqlasın malikanəsi 7,5 milyon dollara satılır.

Sonxeber.net Axşam.az-a istinadən xəbər verir ki, Hollivud ulduzunun illərdir həyat yoldaşı ilə birlikdə yaşadığı ev Beverli Hillsdə yerləşir. Malikanə 7,5 milyon dollar müqabilində yeni alıcıya təqdim olunacaq.

1500 kvadratmetr ərazidə tikilmiş evin ağaclarla əhatə olunan geniş bağçası var. Hovuz, spa, dördotaqlı və ikimərtəbəli malikanənin digər özəllikləri arasında yer alır.

Qeyd edək ki, "Spartak", "Qələbə illəri", "Dəniz altında iyirmi min liqa" və "Çempion" filmlərində canlandırdığı obrazlarla məşhurlaşan Duqlas sözügedən evi 1970-ci illərdə 400 min dollara satın alıb. O, ötən ilin fevralın 5-də 103 yaşında dünyasını dəyişib.