Aktual mövzular: Dollar alış-satışı, Neftin qiyməti, COP29, Hava proqnozu

Ərdoğan Tokayevlə Qazaxıstandakı vəziyyəti müzakirə etdi

Ərdoğan Tokayevlə Qazaxıstandakı vəziyyəti müzakirə etdi

Tarix: 6 Yanvar 2022 19:42

Türkiyə Prezidenti Rəcəb Tayyib Ərdoğanın Qazaxıstan Prezidenti Kasım Jomart-Tokayevlə telefon danışığı olub.

Sonxeber.net xəbər verir ki, bu barədə Türkiyənin prezident administrasiyasının mətbuat xidməti məlumat yayıb. 

Ərdoğan Tokayevlə telefon danışığı zamanı Qazaxıstanda baş verənləri yaxından izlədiyini bildirib, hadisələrdə həyatını itirənlərə Allahdan rəhmət, yaralananlara isə şəfa diləyib.

Türkiyənin Qazaxıstanla həmrəy olduğunu ifadə edən Ərdoğan, Türk Dövlətləri Təşkilatının da Qazaxıstanı dəstəklədiyini vurğulayıb.

Yeni hökumətin ən qısa zamanda qurulacağına və gərginliyin qısa zamanda sona çatacağına ümid etdiyini ifadə edən Ərdoğan, Qazaxıstan xalqının qarşılıqlı etimad və dialoq çərçivəsində problemlərin öhdəsindən gələcəyinə inandığını bildirib.

Ərdoğan Türkiyənin lazım gələrsə, Qazaxıstanla hər cür texniki bilik və təcrübəni paylaşmağa hazır olduğunu qeyd edib.


Etiketlər:  Ərdoğan Tokayevlə Qazaxıstandakı vəziyyəti müzakirə etdi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ