24 saata 2,2 milyon qazandı

Tarix: 21 Fevral 2022 17:50

Adını "Ye" olaraq dəyişdirən dünyaca məşhur milyarder reper Kanye Uest sərvətinə sərvət qatmağa davam edir.

Milli.Az axşam.az-a istinadən xəbər verir ki, ifaçı "Stem player" cihaz üzərindən 2,2 milyon dollar qazanıb. O, bu məbləği yeni albomunun yalnız bu platformada çıxacağını elan etdikdən cəmi 24 saat sonra əldə edib. 

"Independent"in məlumatına görə, Kanye sözügedən cihazdan artıq 8 min ədəd satıldığını açıqlayıb.

Eşq həyatı ilə tez-tez gündəmdə olan reper ilk olaraq 2021-ci ilin avqustunda çıxardığı Donda albomu ilə Stem Player-i çıxardı.

Qurğu istifadəçilərə parametrləri dəyişdirərək albomdakı mahnıları müxtəlif üsullarla tərtib etməyə imkan verir. Bu, hazırda rəqəmsal yayım platformalarında mövcud olmayan musiqi təcrübəsi təqdim edir.

2021-ci ilin oktyabrında adını Ye olaraq dəyişdirən müğənni fevralın 19-da İnstaqram hesabından Stem Player satışları haqqında məlumat paylaşıb.

Uest izləyicilərinə təşəkkür edərək, "Allah yaxşıdır, bu səyahətə çıxdığınız üçün sizə təşəkkür edirəm" dedi. Rep ulduzu musiqi platformalarının ciddi ixtisarlar etdiyini və musiqiçilərin sənayenin qazandığı məbləğin yalnız 12 faizini aldığını bildirib. Stem Player-in bazar dəyəri 200 dollardır.

Milli.Az