İsveç Ukrayna və Belarus yaxınlığında kəşfiyyat aparıb

Tarix: 26 Mart 2022 20:36

İsveç kəşfiyyat təyyarəsi Polşanın Ukrayna və Belarusla sərhədi boyunca kəşfiyyat uçuşu aparıb.

Sonxeber.net APA-ya istinadən xəbər verir ki, təyyarə İsveç Hərbi Hava Qüvvələrinə məxsusdur. Xidmət məxfilik səbəbi ilə təfərrüatları açıqlamır.

"Təyyarənin Polşada olduğunu təsdiqləyə bilərəm, lakin əlavə təfərrüatları açıqlaya bilmərəm" , - deyə İsveç Krallığı Silahlı Qüvvələri və Radio Kəşfiyyat Xidmətinin əməkdaşı Ola Billger bidlirb.

"Expressen" nəşrinin məlumatına görə, hərbi təyyarə Stokholmdan 173 km aralıda yerləşən Linköpinq şəhərindən təxminən saat 08:00-da (Bakı vaxtı ilə 11:00) havaya qalxıb. Daha sonra Polşanın Belarus və Ukrayna ilə şərq sərhədi boyunca uçub.

Silahlı Qüvvələrin mətbuat xidmətinin nümayəndəsi Filip Saymonun sözlərinə görə, bütün prosess aidiyyəti ölkələrlə razılaşdırılıb.